Бәйге актер җыры жанрын үстерүгә ярдәм итүгә, башкаручыларның иҗат мөмкинлекләрен ачуга һәм останың иҗади мирасына бәйле сәнгать традицияләрен саклауга юнәлдерелгән. Бу хакта «Башинформ» хәбәр итә.
Бәйге ике номинациядә узачак: профессиональ композиторлар әсәрләрен, халык җырларын яки үзләре иҗат иткән җырларны ялгыз башкару һәм Фидан Гафаров репертуарыннан әсәрләрне ялгыз башкару.
Жюри башкару осталыгын, номерның визуаль матурлыгын, сәхнә культурасын һәм сәнгатьчә бирүнең оригинальлеген исәпкә алачак.
Бәйге 9 ноябрьдә Бәдер Йосыпова исемендәге Актерлар йортында узачак. Гаризалар 26 октябрьгә кадәр кабул ителә.
Катнашучылар арасыннан гран-при иясен, шулай ук I, II һәм III урыннар лауреатларын сайлап алачаклар.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез