1 декабрьдә Мәскәү Дәүләт Кремль сараенда Татарстанның халык артисты Зәйнәб Фәрхетдинованың зур юбилей концерты гөрләячәк. Мәскәү тамашачысына әле моңа кадәр яңгырамаган җиде яңа дуэт тәкъдим ителәчәк.
Бу хакта концерт уңаеннан уздырылган матбугат конференциясендә хәбәр ителде. Концертның үзенчәлеге хакында режиссер Ленара Батталова сөйләде. Аның сүзләренә караганда, юбилей кичәсе ике өлештән тора. Беренче өлештә Зәйнәб Фәрхетдинованың популяр, халык яраткан җырлары яңгыраса, икенчесендә әле моңа кадәр ишетелмәгән җиде өр-яңа дуэт планлаштырылган. Кичәдә бары тик тере тавыш кына яңгыраячак, дип өметләндерә концерт куючылар. Легендар җырчының юбилей кичәсен Гөлназ Сәфәрова һәм Айрат Ильясов алып бара. Гөлназ Сәфәрова сүзләренчә, концерт сценариесе югары дәрәҗәдә эшләнелә. Кичәдә тамашачы әле моңа кадәр таныш булмаган Зәйнәб Фәрхетдинованы ача алачак. – Сценарийга килгәндә, мин аның үзе турында сөйләргә, яңа фактлар чыгарырга, халыкка яңа мәгълүмат җиткерергә тырыштым, – ди танылган алып баручы. Мәскәү тамашачысы Марат Галимов, Марат Яруллин, Илсөя Бәдретдинова, Элвин Грей, Рәсим Низамов, Филүс Каһиров һәм Илнар Миранов катнашында дуэтлар ишетә алачак. – Дуэтлар барысы да матур яңгырый. Әлеге концертны эшнең нәтиҗәсе буларак иҗат концерты дип тәкъдим итәбез. Киләчәктә андый зур гастрольләр булмас. Яңа инструменталь төркем белән эшләдем. Җырларны яңача яңгырашта инструментлар белән тәкъдим итәсе килде, Валерий Коротков җитәкчелеге астында «JIVE» джаз төркеме булышты. Концертның беренче өлеше әлеге төркем белән узачак, – диде Зәйнәб Фәрхетдинова.
БЕЗНЕҢ МАКС КАНАЛЫНА ЯЗЫЛЫГЫЗ!
Бөтендөнья космос атналыгының быелгысында Казан шәһәрендәге 16 нчы мәктәп укучыларының «Космос. Гагаринга» дигән гади генә адрес белән беренче космонавтка юллаган телеграммасы белән танышу иң дулкынландыргыч мизгел булгандыр, мөгаен.
Кызык та, кызганыч та. Бүген бала бишектән телефон тотып төшә, үсә төшкәч, «акыллы» колонка белән «сөйләшә» башлый. Гаджетлар тормышыбызга үтеп керде, дип чаң сугудан гына файда юк, моны кабул итәргә һәм милли тәрбияне шушы заман мохитенә яраклаштырырга туры килә.
Кайбыч районының Олы Тәрбит авылыннан махсус хәрби операциягә 13 егет киткән. Күбесе өлешчә мобилизация башланган көннән үк шунда. Кызганыч, арасында туган якларына кире әйләнеп кайта алмаганнары да бар. Ә исәннәр белән элемтә өзелми. Без улларын көтүче аналарның һәм ватанпәрвәрлек хисе ят булмаган авылның хәлен белештек.
Быел Татарстанда 120 чакрымнан артык федераль юл төзекләндерелә. Ел ахырына кадәр зур юлларның кайсылары яңартыла? Киләсе елда федераль юлларда нинди эшләр көтелә? Бу хакта «Идел-Нократ автомобиль юллары идарәсе» федераль казна учреждениесе җитәкчесе Илнур Нурмөхәммәтов белән сөйләштек.
Бүген Татарстан башкаласының Мостай Кәрим исемендәге скверында Башкортстан Республикасының халык шагыйре һәм язучысы һәйкәленә чәчәкләр салу тантанасы узды. Митинг-концерт Мостай Кәримнең тууына 107 ел булуга багышланган иде.
Быел Казанда 10,3 млрд сумлык 8 социаль объект төзелгән. 44 социаль учреждениене капиталь ремонтлау һәм модернизацияләү 2,1 млрд сумга төшкән. Бу хакта «эшлекле дүшәмбе» киңәшмәсендә социаль өлкә учреждениеләрен тоту һәм аларга хезмәт күрсәтү департаменты директоры Илья Коротихин сөйләде.
Татарстан Республикасы Рәисе Рөстәм Миңнеханов Алабугада яңа «Соллерс» автомобильләре җитештерелә башлавы турында МАКС каналында хәбәр итте.
Казанда Дәрвишләр бистәсендә балалар өчен яңа стоматология поликлиникасы ачылды
6 октябрь көнне Байлар Сабасы мәдәният йорты сәхнәсендә Сабир Өметбаев исемендәге Минзәлә татар дәүләт драма театры гаҗәеп тирән һәм олы соклану уяткан затлы тамаша — Фәнис Яруллинның «Кыйгак-кыйгак каз кычкыра» повестенә нигезләнгән «Сәхия» драмасын тәкъдим итте.
102 яшеңне үз акылыңда, үз аякларыңда каршы алу бик сирәкләргә генә тәти. Бәхетнең иң зурысы шушыдыр! Азнакай районының Урманай авылында туып-үскән Миннеямал Абдуллина озак яшәүнең серен кешеләргә яхшы булуда, дип аңлата. Әңгәмә барышында моның башка серләре дә ачылды...
Фикер өстәү
Фикерегез