22 июль 2026 Яңалыклар

Казан тормыш сыйфаты яхшы дип саналган шәһәрләр арасында беренче өчлеккә кергән

Тормыш сыйфаты индексының илкүләм рейтингында Мәскәүдән генә калышып, Казан икенче урынны алды. Ставрополь – өченче, Төмән – дүртенче урында. Тормыш сыйфаты 12 юнәлеш буенча бәяләнә.

Казан иң яхшы бәяне «Гаилә» юнәлеше буенча алган. «Эш һәм үз эшең», «Куркынычсызлык», «Мәгариф һәм үсеш» юнәлешләре буенча югары күрсәткечләргә ия булган. Шулай ук төзекләндерү, экология, сәламәтлек саклау, спорт һәм мәдәният тә югары бәяләнгән.

Тикшеренүчеләр Казанда халыкның сыйфатлы эчәр су белән тәэмин ителүенә, аз хәрәкәтләнүче гражданнарның җәмәгать транспортыннан файдалану мөмкинлегенә, урамнарның яктыртылу дәрәҗәсе югары булуга һәм уртача гомер озынлыгын 76,6 яшькә җиткерү ниятенә игътибар иткәннәр. Белгечләр Татарстан башкаласында социаль инфраструктура үсешен дә югары бәяләгән.

Сүз уңаеннан, хәзерге вакытта Татарстанда “Туристлык һәм кунакчыллык” илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"