19 декабрь 2025 Яңалыклар

Казанда ел башыннан бирле яңа төзелгән йортларда 8,1 мең фатир сатып алынган

Татарстан башкаласында 2025 елның унбер аенда яңа төзелгән йортларда фатир алу турында 8,1 меңгә якын килешү төзелгән. Бу «Яндекс Недвижимость» һәм «Пульс Продаж Новостроек» сервислары мәгълүматларыннан билгеле булды.

Сату күләме узган ел дәрәҗәсенә якын – 0,9 процентка кимү теркәлгән. Ел башыннан бирле сатылган фатирларның гомуми мәйданы 960 мең квадрат метрдан артык.

Шул ук вакытта, сервислар мәгълүматларына караганда, 2025 елның языннан Казанда яңа төзелгән йортларда фатир сатып алу турындагы килешүләр саны арткан.

Белгечләр активлык артуны төп ставка кимү циклы башлану, киләчәктә ипотека кредитларын рефинанслау мөмкинлеге уңаеннан кредит алучыларның оптимизмы, төзүчеләрдән махсус акцияләр һәм шартлар күп булу һәм якын киләчәктә кайбер ташламалы программаларның шартларында үзгәрешләр булуны көтү белән бәйли, диелә «Татар-информ» хәбәрендә.

Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис