24 октябрь 2026 Яңалыклар

Киләсе елга югары уку йортларына керү өчен БДИдан минималь баллар үзгәрмәячәк

РФ Фән һәм югары белем министрлыгы 2027/2028 уку елында ведомство карамагындагы вузларга керү өчен бердәм дәүләт имтиханыннан минималь балларны үзгәртергә планлаштырмый. Бу министрлык боерыгы проектыннан күренә, дип яза РИА Новостига сылтама белән «Татар-информ».

Документ нигезендә, барлык фәннәр буенча минималь чик күрсәткечләре алдагы уку елы дәрәҗәсендә калачак.

Абитуриентларга укырга керү өчен рус теле, профильле математика, тарих, чит тел, әдәбият, биология, география һәм химиядән кимендә 40 балл җыярга кирәк булачак.

Физикадан минималь нәтиҗә – 41 балл, җәмгыять белеменнән – 45 балл, информатикадан – 46 балл.

БЕЗНЕҢ МАКС КАНАЛЫНА ЯЗЫЛЫГЫЗ!