«Тармакта радиофобия проблемасы бар – гади тел белән әйткәндә, кәрәзле элемтә каланчаларыннан курку. Асылда, бу – өйдә микродулкынлы мич яки телевизор кабызудан курку белән бер нәрсә. Шикаятьләр аркасында операторлар инде эшли торган җиһазларны сүтәргә мәҗбүр. Нәтиҗәдә, тулы бер микрорайон элемтәсез кала», – диде министр.
Аның әйтүенчә, Казанда Себер трактындагы 8 нче шәһәр поликлиникасы янындагы база станциясен сүткәннәр инде. «Хәзер «Изумрудный город» торак комплексындагы каланчаны сүтү турында үтенечләр килә. Ә шәһәрнең иң зур сәүдә үзәкләренең берсе янындагы машина кую урынында операторга база станциясен урнаштыру өчен мәйдан бирүдән бөтенләй баш тарттылар», – диде Илья Начвин.
Бу уңайдан министр халык белән актив эш алып баруның, аңлату эшләре оештыруның кирәклеген әйтте.
Сүз уңаеннан, хәзерге вакытта Татарстанда «Белешмәләр икътисады һәм дәүләтнең цифрлы үсеш-үзгәреше» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез