Бүген Россия Президенты Владимир Путин Кыргызстан Президенты Садыйр Жапаров һәм Белоруссия лидеры Александр Лукашенко белән ике яклы очрашулар уздырачак. Бу хакта Путинның матбугат сәркатибе Дмитрий Песков хәбәр итте, аның сүзләрен «ТАСС» китерә.
ЕАЭС саммиты алдыннан ике аерым әңгәмә булачак: беренчесе – Жапаров белән, икенчесе – Лукашенко белән. Шуннан соң тар һәм киңәйтелгән форматта утырышлар планлаштырылган, ә аннары лидерлар формаль булмаган шартларда аралашуны дәвам итәчәк. Кремль вәкиле билгеләп үткәнчә, бу чорда БДБ илләре белән дә очрашулар узачак.
Песков ЕАЭС һәм БДБ еллык саммитлары гадәттәгечә ике көн дәвам итә һәм, кайбер очрашуларның формаль булмаган форматына карамастан, аларның барысы да документлар һәм карарлар белән җитди субстантив көн тәртибенә ия, дип ассызыклады.
21-22 декабрьдә Путин Санкт-Петербургта эшли, анда югары Евразия икътисади советы утырышы һәм БДБ илләре лидерларының традицион Яңа ел алды очрашуы узачак. Рәсми булмаган яңа ел алды саммитларын Путин 2017 елдан бирле үткәрә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез