Аны Казан мэры Илсур Метшин, Татарстан Рәисе ярдәмчесе Олеся Балтусова, Татарстан Республикасы төзелеш, архитектура һәм ТКХ министры Марат Айзатуллин, Казанның баш архитекторы Илсөяр Төхфәтуллина, Мәдәни мирас объектларын саклау буенча Татарстан Республикасы комитеты рәисе Иван Гущин һәм башкалар озата йөрде.
Рөстәм Миңнеханов Айвазовский, Волков һәм Назарбаев урамнарында төзелергә тиешле торак комплекслары проектлары белән танышты. Төзүчеләр вәкилләре биналарның архитектур-сәнгати бизәлешенең берничә вариантын күрсәттеләр: төсләр буенча, фасадларны бизәү вариантлары һәм төзекләндерү элементлары.
Республика Рәисе яңа объектларның барлыкка килгән шәһәр мохитенә органик рәвештә туры килергә тиешлеген ассызыклады һәм бизәү материалларының сыйфатын тикшереп торуны тәэмин итәргә кушты. Фикер алышу нәтиҗәләре буенча барлык өч проект та хупланды.
Аннары республика Рәисе Идел елгасы буендагы элеккеге сәнәгать зонасын реновацияләү барышы һәм «Яңа Порт» территориясендә торак комплексы төзелеше белән танышты. Торак төзелешеннән тыш, саллы проект 12 километрлы яр буен төзекләндерүне, яшел зоналарны төзекләндерүне, шулай ук мәктәп һәм балалар бакчасы төзүне күздә тота.
Аннары Рөстәм Миңнеханов Казан елга порты территориясендә булды. ТР транспорт һәм юллар хуҗалыгы министры Фәрит Хәнифов елга транспортын үстерү һәм пассажирлар йөртү күләмен арттыру планнары турында хәбәр итте. Сентябрь башына елга транспортында 324 меңнән артык кеше йөртелгән, бу узган елның шул ук чоры күрсәткеченнән 5%ка артык.
Быел май аенда Казан белән Чаллы арасында «Метеор»да тизйөрешле элемтә эшли башлаган, ул Кама Тамагы, Чистай, Түбән Кама һәм Алабуга шәһәрләренә кереп чыга. Бүгенге көндә әлеге маршруттан 9,2 мең пассажир файдаланган. Инфраструктураны үстерүгә, аерым алганда дебаркадерларны реконструкцияләүгә аерым игътибар бирелә.
Быел «Ташевка» дебаркадеры яңартылган. Югалган агач декорны торгызырга «Том Сойер Фест - Казан» хәрәкәте ихтыярыйлары ярдәм иткән. Планнарда - тагын җиде тарихи дебаркадерны реконструкцияләү эшләрен дәвам итү. Рөстәм Миңнеханов әлеге инициативаны хуплады.
Моннан тыш, Фәрит Хәнифов Казанга керүче суднолар саны арту турында хәбәр итте һәм гамәлдәге причал куәтләренең җитәрлек булмавын билгеләп үтте. Шуңа бәйле рәвештә ул теплоходларны күбрәк кабул итү өчен причалның озынлыгын арттыру мөмкинлеген карарга тәкъдим итте. Татарстан Рәисе бу мәсьәләне өйрәнергә кушты.
Сәфәре ахырында Рөстәм Миңнеханов елга порты бинасының гомуми торышы һәм киләчәктә үсеш концепциясе, шулай ук Локомотив ярымутравын төзекләндерү планнары белән танышты.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез