18 декабрь 2025 Яңалыклар

Рөстәм Миңнеханов «Татнефтехиминвест-холдинг»ның чираттагы утырышын уздырды

Бүген Татарстан Республикасы Хөкүмәте Йортында «Татнефтехиминвест-холдинг» АҖ Директорлар советының чираттагы утырышы узды.

Утырышны Татарстан Рәисе Рөстәм Миңнеханов үткәрде.

Утырыш барышында нефть химиясенең киләчәк үсеше өчен кызыклы проектлар тәкъдир ителде.

Беренче булып нефть химиясе сәнәгатендә ясалма акылны куллану буенча нотык тәкъдим ителде. Бу хакта РФА әгъза-мөхбире Максим Федоров сөйләде.

«СВТМА» видео-һәм тепловизион мониторинг һәм аналитика системасын «Дәүләт гамәли оптика институты" фәнни-җитештерү берләшмәсе» АҖ генераль директоры Сергей Косковский тәкъдир итте. СВТМАның дистанцион идарә ителә торган мультиспектраль комплексы тәүлек буе күзәтү, табигый һәм ясалма комачаулыклар булганда көндезге, төнге шартларда һәм күз күреме чикләнгән шартларда объектларны эзләүне, ачыклауны, танып белүне тәэмин итү өчен, шул исәптән саклана торган зонага законсыз керү турында кисәтү системаларын төзү мәнфәгатьләрендә (су өсте һәм авто-транспорт, БПЛА ачыклау), нефть-газ һәм энергетика комплексларының сәнәгать инфраструктурасы объектларының, Россия тимер юллары инфраструктурасының, аэропортларның, диңгез һәм елга портларының торышын анализлау һәм контроль системасы.

«Яңа технологик торыш элементы буларак термоакустика» темасына нотык белән МИРЭА (Мәскәү) Россия Технология университеты профессоры Олег Федосеев чыгыш ясады.

РФА А.Ф. Иоффе ис. Физика-техника институты ФДБУНның (Санкт-Петербург) фәнни эшләр буенча директоры урынбасары Павел Брунков энергетика секторында импортны алмаштыру проблемасын хәл итүгә юнәлдерелгән проектны тәкъдим итте.

«Татнефтехиминвест-холдинг» АҖ генераль директоры Рафинат Яруллин 2026 елга Татарстан Республикасы нефть-газ химиясе комплексы предприятиеләренә һәм кече һәм урта эшкуарлык субъектларына җибәрелә торган углеводород чималы һәм нефть химиясе продукциясе исемлеген карауга һәм раслауга чыгарды.

Углеводород чималы һәм нефть химиясе продукциясе төрләре исемлеге «Татнефтехиминвест-холдинг» АҖгә нефть-газ химиясе комплексы предприятиеләреннән килгән заявкалар буенча әзерләнгән. Республика эчендәге кооперация схемасы Татарстан Республикасы нефть химиясе комплексында кече эшкуарлыкны үстерүдә уңай шартлар тудыру өчен эшләнгән. Ул ел саен «Татнефтехиминвест-холдинг» АҖ Директорлар Советы тарафыннан раслана, 1999 елдан бирле эшли һәм үзенең нәтиҗәлелеген раслаган.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

минниханов, миңнеханов, " нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"