Шәхси хуҗалыкларда мөгезле эре терлек 5,4 меңгә кимегән

Шәхси хуҗалыкларда һәм фермерларда мөгезле эре терлек саны кимүе дәвам итә. Авыл хуҗалыгы һәм азык-төлек министры Марат Җәббаров әйтүенчә, шәхси хуҗалыкларда 81 мең баш терлек калган, бер ел эчендә 5,4 мең башка кимегән. Фермерларда сыерлар саны 12 процентка кыскарган.

 Министр әйтүенчә, төп сәбәпләр — эш нәтиҗәлелегенең түбән булуы, ветеринария таләпләренең катлаулануы, шулай ук грантны үзләштереп, биш ел узганнан соң берничә хуҗалыкның ябылуы. 

Терлек саны нибары 16 районда гына арткан.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!