01 апрель 2026 Яңалыклар

СВОда катнашучының хатынын хөкем иткәннәр

Приморье краенда район суды биредә яшәүче бер хатын-кызга хөкем карары чыгарган. Ул махсус хәрби операциядә хәбәрсез югалучының гаиләсенә билгеләнгән түләүне законсыз төстә алуда гаепле дип танылган. Бу хакта «Российская газета» төбәкнең суд системасы матбугат хезмәте мәгълүматларына таянып яза.

Чугуево район судында билгеләнгәнчә, әлеге хатын-кызның ирен 2023 елның июнендә махсус хәрби операция зонасында хәбәрсез югалган дип рәсми төстә таныганнар. Шуңа күрә хатынга 2 миллион сум чамасы акча күчергәннәр. Әмма тикшерү органнары ачыклаганча, ир-ат чынында өендә булган. Хатыны исә бу хәлне яшергән.

Хатын-кызның әлеге гамәле аеруча зур күләмдә мошенниклык буларак бәяләнгән. Җинаять җәзасыннан тыш, ул дәүләткә китерелгән барлык зыянны ттүләячәк. Ирен «югалткан» хатын-кыз 3 елга ирегеннән мәхрүм ителгән.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"