Бу – республика өчен яңа рекорд, узган елгы белән чагыштырганда 11 миллиард сумга күбрәк. «Яшәү өчен Бу хакта журналистлар белән очрашуда Татарстан Транспорт һәм юл хуҗалыгы министр урынбасары Рәнис Фәйзуллин сөйләде.
Аның сүзләренчә, быел илкүләм проект кысасында 154 объектта юл эшләре башкарыла. Төбәк һәм җирле әһәмияттәге 200 чакрымнан да артык автомобиль юлларын, шулай ук 600 метрга якын күпер корылмаларын файдалануга тапшыру күз уңында тотыла. Бу максатларга 20,8 млрд сум акча бүлеп бирелгән. Шуның 11,3 млрд сумы – федераль акча булса, 9,4 млрд сумын Татарстан бюджеты бирә. Рәнис Фәйзуллин әйтүенчә, төбәк әһәмиятендәге юлларны һәм ясалма корылмаларны норматив хәлгә китерүгә аерым игътибар бирелә. Эшләр 85 объектта башкарыла. Монда сүз 76 юл һәм 9 күпер корылмасы турында бара. Татарстан федераль акчага гына өметләнүчеләрдән түгел. Кирәкле нәтиҗәләргә ирешү өчен, республика үз бюджетыннан өстәмә 1,4 млрд сум бүлеп биргән.
Яңа юллар төзелеше хакында сүз чыкканда Татарстанның өч төп шәһәр агломерациясе – беренчеләр рәтендә. Быел Казан, Чаллы, Түбән Кама юл челтәрен тәртиптә тотуга республика бюджетыннан 5,2 млрд сум акча алганнар.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез