22 сентябрь 2026 Яңалыклар

Татарстанда йөк машинасы суга төшкән: йөртүчесе һәлак булган

Югары Осланда йөк машинасы, пирсны бәрдереп, су астына киткән.

KazanFirst фаҗиганең видеоларын урнаштырган.

Роликларда фаҗига мизгелләре аермачык күренеп тора. Видеоның икесе дә видеокүзәтү камераларының язмалары булса кирәк. Берсендә йөк машинасының зур тизлектә юл кырыена килеп чыгуын күрергә мөмкин.

Икенчесендә, машинаның юл кырыена “очканнан” соң, корылманы бәрдереп, суга кереп чумуы чагылдырылган. Фаҗига кичә көндез Югары Осланда килеп чыккан. Йөк машинасы йөртүчесе һәлак булган.

БЕЗНЕҢ МАКС КАНАЛЫНА ЯЗЫЛЫГЫЗ!