18 июнь 2026 Яңалыклар

Татарстанның биш укытучысы «Беренче укытучы» конкурсының икенче этабына узды

2026 елгы «Беренче укытучы» Бөтенроссия һөнәри конкурсының сайлап алу этабындагы беренче тур нәтиҗәләре билгеле булды. Оештыру комитеты карары белән сайлап алу этабының икенче турына 104 башлангыч сыйныф укытучысы узды, алар арасында — Татарстан Республикасыннан биш вәкил бар. Бу хакта ТР Мәгариф һәм фән министрлыгы матбугат хезмәте хәбәр итә.

Читтән торып уза торган этапның икенче туры 2026 елның июнендә булачак. Катнашучыларны ике конкурс сынавы көтә. Катнашучылар җирәбә салу юлы белән төркемнәргә бүленәчәк. Фикер алышу һәм чишелешләр эзләү видеоконференция форматында узачак. Һәр төркем өчен сынауның дәвамлылыгы — 45 минуттан артык түгел.

Икенче этапта Татарстан Республикасыннан түбәндәгеләр катнашачак: Инзилә Шакирова — Мөслим районы Олы Чакмак төп мәктәбе укытучысы, Лилия Әхмәтвәлиева — Мөслим районы Митрәй башлангыч мәктәбе укытучысы, Энҗе Фазлыева — Казан шәһәре Совет районының 8 нче гимназиясе укытучысы, Гөлнара Гыймранова — Мөслим районы Митрәй башлангыч мәктәбе укытучысы, Алия Абдрахманова — Чаллы шәһәренең 7 нче урта мәктәбе укытучысы.

Сайлап алу этабының нәтиҗәләре 2026 елның июлендә билгеле булачак. Жюри иң күп балл җыйган 30 катнашучыны сайлап алачак. Нәкъ менә алар конкурсның көндезге этабы финалистлары булачак. Финал сентябрь аенда Камчаткада — «Беренче укытучы» 2025 конкурсы җиңүчесе Тамара Котованың туган ягында узачак.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга