«КДВ» форумында ИТ-өлкәсендә халыкара хезмәттәшлекне үстерү турында сөйләштеләр

Дискуссиядә Алжир почта һәм телекоммуникацияләр министрлыгы аппараты җитәкчесе Мөхәммәд Талалеф, Төрекмәнстан элемтә министры урынбасары Бердимырат Бердиев, Һиндстанның Мәскәүдәге илчелеге миссиясе башлыгы урынбасары Гири Никхилеш, Татарстан дәүләт идарәсен цифрлы үстерү, мәгълүмати технологияләр һәм элемтә министры урынбасары Булат Габдрахманов һәм башкалар катнашты.

«Без башка төбәкләр тарафыннан цифрлы суверенитет төзүгә һәм бу мәсьәләдә тәҗрибә уртаклашуга кызыксыну арта баруын күрәбез. Безгә калса, бу мәсьәләдә өстәмә күперләр төзелергә мөмкин, алар бер яктан цифрлы суверенитетны үстерү һәм икенче яктан ИТ-икътисадны үстерү өчен технологик компанияләр белән бергә кооперация төзергә мөмкинлек бирәчәк», – диде Булат Габдрахманов.

Һиндстанның Мәскәүдәге илчелеге миссиясе башлыгы урынбасары Гири Никхилеш билгеләп үткәнчә, Һиндстан Россия белән ИТ-өлкәсендә берләшү өчен зур мөмкинлекләр күрә. Төрекмәнстан элемтә министры урынбасары Бердимырат Бердиев үз чыгышында билгеләп үткәнчә, бүген цифрлы технологияләр дәүләтләрнең цифрлы суверенитеты нигезе булды.

Сүз уңаеннан, хәзерге вакытта Татарстанда «Белешмәләр икътисады һәм дәүләтнең цифрлы үсеш-үзгәреше» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!