30 октябрь 2026 Яңалыклар

Белгеч инвалидларның транспорт чарасына салым түләү үзенчәлекләрен аңлатты

«Абыем – II төркем инвалид. Аның машинасы бар һәм шуңа салым хаты килгән. I һәм II төркем инвалидлар 100 ат көченә кадәр транспорт чарасына салым түләүдән азат ителә, дип беләм. Абыемның автомобиле – 150 ат көчле. Аның 100 ат көченнән калган өлешенә генә салым түлисе түгелмени?» – дип соый Яшел Үзәннән Зәринә Лукьянова.

Татарстан буенча Салым федераль хезмәтеннән:

– Ташлама 100 ат көченә кадәр булган автомобильләргә каралган. Шунысын да истә тотарга кирәк: сүз ат көче түгел, ә салым салына торган объект, ягъни транспорт чарасы турында бара. Шуңа күрә сезнең машина тиешле таләпләргә туры килми икән, димәк, аның өчен салым түләргә туры киләчәк.

БЕЗНЕҢ МАКС КАНАЛЫНА ЯЗЫЛЫГЫЗ!