30 октябрь 2026 Яңалыклар

«КДВ» кысасында мода күрсәтәчәкләр

30 һәм 31 октябрьдә Kazan Digital Week кысасында Tatarstan Fashion Week халыкара мода күрсәтүенең икенче сезоны узачак. Казан Ратушасында Россиядән һәм чит илләрдән 27 коллекция тәкъдим ителәчәк.

Оештыручы – Казан дәүләт мәдәният институты. Проект дизайнерларны һәм технологик компанияләрне, традицион һөнәрләрне һәм цифрлы моданы берләштерә. Катнашучылар арасында – КазГИК студентлары һәм укытучылары. Аерым алганда, Наилә Борһанова «Дала бизәкләре» коллекциясен күрсәтәчәк: төрки орнаментлар, күн мозаика һәм баудан үрелгән бизәкләр заманча укылачак. Тамашачылар шулай ук студентларның ике цифрлы коллекциясен күрәчәк.

БЕЗНЕҢ МАКС КАНАЛЫНА ЯЗЫЛЫГЫЗ!