Көненә күпме кыяр һәм помидор ашарга? – Табиб киңәше

Көненә уртача зурлыктагы ике помидор һәм зур булмаган ике кыяр ашасаң (икесе ярты кило чамасы була) – шул җитә. Табиб-диетолог, эндокринолог Антон Поляков “aif.ru” хәбәрчесе белән әңгәмәсендә шулай дип белдергән.

Аның әйтүенчә, көненә шуның кадәр күләмдәге кыяр-помидор организмны кирәкле витаминнар һәм клетчатка белән тәэмин итә һәм аңа авырлык китерми.

Тик, диетолог сүзләренә караганда, бары тик шулар белән генә башка яшелчәгә ихтыяҗны капларга ярамый.

Кәбестә, ташкабак, татлы борыч, башка сезонлы яшелчә, яшел тәмләткечләрне дә кулланырга кирәк. Шулай гына организм тулы кыйммәтле витаминнар һәм микроэлементлар алачак, дип йомгак ясаган сүзенә Поляков.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"