24 октябрь 2026 Яңалыклар

Кравцов таныклыкның укытучыларга теләсә нинди хәлдә статусын расларга мөмкинлек бирәчәген әйтте

Укытучы таныклыгы педагогларга хакимият органнары белән хезмәттәшлек иткәндә, ташламалар алганда һәм һөнәри чараларда катнашканда үзләренең һөнәри статусын расларга мөмкинлек бирәчәк. Бу хакта Россия мәгариф министры Сергей Кравцов белдерде, дип хәбәр итә ведомствоның матбугат хезмәтенә сылтама белән «Татар-информ».

Элегрәк Россия Мәгариф министрлыгы таныклыкның бердәм үрнәген һәм аның бланкына таләпләрне расларга тәкъдим ителә торган Хөкүмәт карары проектын әзерләгән иде.

Кравцов сүзләренчә, документны гамәлгә кертү укытучының махсус статусы турындагы Президент указын гамәлгә ашыруда чираттагы адым булачак.

Таныклыкны бушлай һәм педагог гаризасыннан башка – эш бирүче биргән белешмәләр нигезендә рәсмиләштерергә планлаштыралар. Документ электрон һәм физик формаларда була, аларның һәркайсы бердәм уникаль номер алачак.

Электрон версия «Дәүләт хезмәтләре» порталында күренәчәк. Хуҗасы ризалыгы белән аны шулай ук QR-код буенча статусны тикшерү белән күп функцияле мәгълүмат алмашу сервисында кулланырга мөмкин булачак.

Таныклыкның физик вариантын педагог үз теләге буенча ала алачак. Аны пластик карта яки китапчык рәвешендә бердәм үрнәк буенча чыгарырга тәкъдим ителә. Документның барлык реквизитлары рус телендә күрсәтеләчәк.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",