Бүген ТР Хөкүмәте Йортында узган киңәшмәдә Татарстан Премьер-министры урынбасары Ләйлә Фазлыева Россия «Белем» җәмгыятенең Татарстан төбәк бүлеге эшенең арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов үткәрде. Анда Татарстан Дәүләт Советы Рәисе Фәрит Габделганиев һәм Татарстан Премьер-министры Алексей Песошин да катнашты.
«Белем" җәмгыятенә 1947 елда нигез салына. 2015 елда Россия Президенты Указы нигезендә оешманы торгызганнар, ә 2022 елда мәгърифәтчелек эшчәнлеге цифрлы платформага күчерелгән.
Җәмгыятьнең төп бурычлары: мәгърифәтчелек эшчәнлеге, белем бирү программаларын гамәлгә ашыру, фәнни коммуникациягә ярдәм итү, яшьләр белән эшләү, укытуның цифрлы форматларын үстерү, мәгариф учреждениеләре белән партнерлык, өзлексез белем бирү һәм үз-үзеңне үстерү мәдәниятен формалаштыру. Эшчәнлекнең төп юнәлешләренә цифрлы лидерлык, Россия дәүләтчелеге нигезләре, тарихи хәтер һәм тарихи дөреслеккә бәйле мәсьәләләр, башка актуаль темалар керә.
Бүген Татарстан Идел буе федераль округында лекторлар саны буенча икенче урында тора. «Белем»нең лекторлары - югары уку йортлары укытучылары, җәмәгатьчелек фикере алдынгылары, яшьләр сәясәте, мәдәният һәм сәнгать өлкәләре белгечләре. Иң яхшы лекорларның берсе - КНИТУ - КАИның социология, политология һәм менеджмент кафедрасы доценты, тарих фәннәре кандидаты Наталья Михайловна Топал - махсус хәрби операциядә катнашучыларның әнисе. Ул инде 51 лекция үткәргән. Алар тарихи дөреслеккә, тарихи хәтергә һәм махсус хәрби операциягә багышланган.
2026 елның 9 аенда Татарстанда 1719 лекция уздырылган, анда 80 мең кеше катнашкан. Республикада мәгърифәтчелек эшчәнлеген киңәйтүнең бер варианты - стационар мәйданчыклардагы лекорийлар. Республикада мәктәпләрдә, көллиятләрдә һәм югары уку йортларында 11 лекорий ачылган. Аларның санын арттыру буенча планнар бар.
«Белем» җәмгыяте МОдә катнашучылар, аларның гаиләләре, шулай ук сугышчыларга һәм аларның якыннарына һәрьяклап ярдәм күрсәтергә тиешле белгечләр өчен белем бирү семинарлары циклын гамәлгә ашыра. «Ватанны саклаучылар» фонды белән берлектә 22 методик материал әзерләнгән. Лекторлар сыйфатында МХО ветераннары актив чыгыш ясый.
Федераль агарту инициативаларын гамәлгә ашыру буенча зур эш алып барыла. Татарстан мәктәп музейларының Бөтенроссия конкурсында гаризалар саны буенча Россиядә беренче урынны алган - 653 гариза. Россия буенча барлыгы 4 мең 696 гариза булган. Конкурс йомгаклары буенча республиканың ике мәктәбе җиңүче булган.
Моннан тыш, 46 ата-аналар комитеты патриотик тәрбия өлкәсендәге проектларны гамәлгә ашыруга «Белем» җәмгыятенең грантларын алган. Барлыгы 40 млн сумнан артык. Җиңүчеләр саны буенча Татарстан илдә 2 нче урынны алган.
«Бөтен гаилә белән укыйбыз" бөтенроссия нәфис сүз остасы конкурсы массакүләм кызыксыну уяткан. Заявка кампаниясе йомгаклары буенча Татарстан Республикасы катнашучылар саны буенча илдә 1 урынны алган.
«Белем» җәмгыяте тарихи хәтерне һәм тарихи дөреслекне саклау мәсьәләләрендә актив катнаша. Соңгы чараларның берсе - Казан Кремлендә Россия Президенты каршындагы Тарихи хәтер милли үзәге белән берлектә оештырылган «Искелек срогы булмаган. Нюрнберг. 80 ел. Хәтер урыны" тарихи-сәнгать күргәзмәсе.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез